Құрметті Арал қаласының мектеп оқушылары!!! Сіздерді 2019 жылдың қыркүйек айынан бастап №19 Арал ауданының олимпиадалық резервтің мамандандырылған балалар-жасөспірімдер мектебіне спортпен тұрақты түрде айналысуға шақырамыз. Мектебімізде спорттың 14 түрі бойынша жаттығу жүргізіледі. Олар: баскетбол, волейбол, гандбол, футбол, бокс, кикбокс, еркін күрес, грек-рим күресі, жеңіл атлетика, таеквондо, қазақ күресі, асық ату, грэпплинг, әмбебап жекпе-жек. Қазіргі таңда, мектебіміздің спортшылары облыстық, республикалық және халықаралық деңгейдегі сайыстарда аудан намысын абыроймен қорғауда. Спорт түрлері бойынша жаттығуларды тәжірибесі мол, өз істерін жоғарғы деңгейде меңгерген жаттықтырушы-оқытушылар құрамы жүргізеді. Спорттың кез-келген түрімен шұғылдану ақысыз негізде жүргізіледі. Спорт түрлеріне тіркелу жөніндегі сұрақтарыңызбен мектебіміздің оқу бөліміне немесе спорт бөлімшелеріндегі жаттықтырушы-оқытушыларға жүгіне аласыздар.