Жаңалықтар » Бет 8 » ОРМБЖМ №19

 

ОРМБЖМ №19

БӨЛІМШЕЛЕРІ

Опрос

Оцените работу движка


Бөлісу



Біздің мақтанышымыз!


Толығырақ

Карта

Пайдалы сілтемелер

ҚҰТТЫҚТАЙМЫЗ!!!

 Жаңалықтар  Дата: 25-02-2019, 10:32  Автор: moderator
2019 жылдың 23-24 ақпан күндері аралығында Тараз қаласында өткен ГРЭППЛИНГ және ГРЭППЛИНГ ГИден ерлер мен әйелдер және ардагерлер арасындағы Қазақстан Республикасы чемпионатында, мектебіміздің грэпплинг бөлімшесінің жаттықтырушысы Сауытбаев Фараби 62 кг салмақ дәрежесінде қола жүлдегер атанды. Фараби грэпплингтен ҚР спорт шебері. Құттықтаймыз!!!

2019 жылдың 13-17 ақпан күндері аралығында кикбоксингтен Төретам кентінде 2003-2004 және 2005-2007 жылдары туылған жасөспірімдер мен кадеттер арасындағы облыс біріншілігі болып өтті. Аталған біріншілікке мектебімізден 9 спортшы қатысты. Жарыс қорытындысы бойынша, мектебіміздің спортшылары Кеңесов Сұлтанбек 2 орын, Рысдаулетов Ерасыл, Нұрланұлы Рамазан және Серікбаев Жандос 3 орын иеленді. Жаттықтырушылары - Саматова Гульбану. Жеңістеріңіз құтты болсын!




2019 жылдың 12 - 17 ақпан күндері аралығында самбодан Ақтау қаласында өткен 2001-2002 жылдары туылған жасөспірімдер арасындағы Қазақстан Республикасының чемпионатында мектебіміздің спортшысы Сақтағанов Еңбек күміс жүлдегер атанды. Жаттықтырушысы - Досжанов Елеулі. Құттықтаймыз!!!




2019 жылдың 15-16 ақпан күндері аралығында грек-рим күресінен Алматы қаласында өткен 2002-2003 жылдары туылған жасөспірімдер арасындағы Қазақстан Республикасының чемпионатында мектебіміздің спортшысы Алданиязов Мақсат 48 кг салмақ дәрежесінде қола жүлдегер атанды. Жаттықтырушысы - Қожекенов Талғат. Құттықтаймыз!!!


ҚОЛ ДОБЫ. ҚОЛА ЖҮЛДЕ

 Жаңалықтар  Дата: 12-02-2019, 11:50  Автор: moderator
Шымкент қаласында гандболдан 2004 ж.т. жəне одан төмен жасөспірім қыздар арасында ҚР чемпионаты өтті.
Жарысқа еліміздің облыстарынан 12 команда қатысты.
Нəтижесінде қызылордалық гандболшылар ел чемпионатының қола жүлдесін иеленді.
Айта кетейік, осы жарысқа мектебіміздің спортшысы Әбдісұлтанова Жадыра қатысты. Жаттықтырушысы - Исанов Рүстем.

Жүлделеріңіз құтты болсын!!!



2019 жылдың 8 - 9 ақпан күндері аралығында грек-рим күресінен Қызылорда қаласында өткен облыс біріншілігінде мектебіміздің спортшылары жалпы саны 3 алтын, 1 күміс, 1 қола медаль иеленіп, командалық есепте жүлделі 3 орынды алды. Жаттықтырушылары - Қожекенов Талғат, Төлебаев Бахтияр, Таңатаров Ардақ.




Облыстық дене шынықтыру жəне спорт басқармасының бастамасымен ауданымызда пресс-тур ұйымдастырылды. 
Пресс-тур барысында аудан спортының жетістіктері мен жаңалықтары назарға алынды.
Пресс-тур Арал ауданынан басталып, апта көлемінде аймақ аудандарының барлығында өтеді.
Арал ауданы бойынша дене шынықтыру жəне спортпен жүйелі түрде шұғылданушылар саны - 22 140 адам.
2018 жылы аудан спортшылары ҚР чемпионаттарында 51 медальға қол жеткізді. Гір спортынан Қайрат Разақов пен Мұрат Махамбетов 2 мəрте Əлем чемпионы (ұзақ цикл, қоссайыс) атанса, əмбебап жекпе-жектен Фараби Сауытбаев Əлем чемпионатының күміс жүлдесін иеленді. Сондай-ақ Сауытбаев Фараби биыл Азия чемпионы атанып, ел абыройын асқақтатты. 
Арал спорты бойынша толығырақ 4 ақпан күні сағат 21.10-да "Qyzylorda" телеарнасының "Бəйге" бағдарламасынан көре аласыздар. 



2019 жылдың 29 қаңтар күні аудан әкімдігінде облыс аумағындағы дене шынықтыру және спорт ұйымдарының қызметін үйлестіру мақсатындағы көшпелі отырысы болып өтті. Мәжіліске облыстық дене шынықтыру және спорт басқармасының басшысы Акимов Олжас бастаған басқарма мамандары арнайы қатысты.
Спорт саласы бойынша аудан көлемінде 2018 жылы атқарылған жұмыстар мен алдағы міндеттер туралы аудандық дене шынықтыру және спорт бөлімінің басшысы Әлжанов Толыбай хабарлама жасады. Мәжіліс барысында облыстық дене шынықтыру және спорт басқармасының басшысы Акимов Олжас сөз алып, Қызылорда облысы бойынша жыл бойы атқарылған жұмыстарды баяндады. Жиын соңында мәжіліске қатысушылар өздерінің ұсыныстары мен сұрақтарын ортаға салып, спорт саласындағы жетістіктерге ризашылықтарын білдірді.


2019 жылдың 28 қаңтар күні мектебіміздің бокс бөлімшесінің жаттықтырушысы Еділбаев Мұрат СЖТ-1 тобына ашық сабақ өткізді. Сабаққа бақылаушы ретінде директордың оқу ісі жөніндегі орынбасары, әдіскер және тәжірибе алмасу мақсатында басқа спорт түрлерінен 7 жаттықтырушы қатысты. Сабақ өз деңгейінде, жоспарға сай өткізілді.




Арал қаласында №19 Арал ауданы олимпиадалық резервтің мамандандырылған балалар мен жасөспірімдер спорт мектебінің күрес залында еркін күрестен 2008-2011 жылдары туылған жасөспірімдер арасында белгілі спортшы-жаттықтырушы Жасағанберген Қазтуғановты еске алуға арналған дәстүрлі қалааралық турнир өтті. Турнирдің ашылуына қатысқан №19 Арал ауданы олимпиадалық резервтің мамандандырылған балалар- жасөспірімдер мектебі директорының орынбасары Бержанов Құралбек жас спортшыларға жеңіс пен сәттілік тіледі. Жарысқа 10 команда құрамында 100 жуық жасөспірімдер қатысты.
Жарыстың нәтижесі:
22 кг салмақ бойынша
І-орын Сәдуақас Нұрасыл (Кентау)
24 кг бойынша
І-орын Жамсапұлы Рамазан (Арал)
26 кг бойынша
І-орын Қаршығаұлы Ерасыл (Арал)
29 кг бойынша
І-орын Темірбаев Ғани (Шижаға)
35 кг бойынша 
І-орын Әділбек Наурызбай (Жалағаш)
38 кг бойынша
І-орын Сағымбаев Ерасыл (Кентау)
41 кг бойынша
І-орын Абдурасул Ердәулет (Қызылорда)
44 кг бойынша
І-орын Жұматай Арман (Арал)
48 кг бойынша
І-орын Жеткерген Наурыз (Жалағаш)
52 кг бойынша
І-орын Марат Мұхаммедәлли (Арал)
Жарыс жеңімпаздары мен жүлдегерлерін аудандық дене шынықтыру және спорт бөлімінің арнайы мадақтамасы және медальдарымен марапатталды.
ЖҮЛДЕЛЕРІҢІЗ ҚҰТТЫ БОЛСЫН!!!